Happy Ka?

Kon naga init gani ang ulo mo kag pamangkoton ka kon "Happy Ka>" daw ga dugang pa gid ang init sang ulo mo.. Kay kabudlay gid bala mag yuhom kon akig ka, kag labi pa gid kon indi mo pa gusto mag-untat pangakig. Man kabalo ka, nga kon maka yuhom ka na, ma amat-amat dula ang akig nga ginabatyag mo..kag gusto mo ya, ipabatyag sa na-akigan mo nga dugay ka gid ma-umpawan sang akig mo..

Amo gid man na guro . Kay kon akig ka, ukon naga-init ang ulo mo, daw may pressure sa sulod mo nga dapat pa-sungawon kay kon indi malupok gid. Peru parehas sang linuto nga naga-indakal, kon hinayan ang kalayo naga amat-amat man lang ugdaw ang pag-indakal kag indi na ini mag-awas. Seguro indi gid man kinahanglan sang isa ka tawo nga mag-lupok gid sang pangakig para mabuhinan ang pressure nga guna-batyag nya. Seguro kina hanglan ya lang mag ginhawa sing madalum kag mag-ginhawa pa gid liwat kon daw indi pa gid makuha..

Ang bata ko indi gid mag-untat sang pamangkot, "Happy ka na, Mommy?" asta mabatian nya sa tono sang tingog ko nga indi na gid man ma init ang ulo ko..Indi ko sya madayaan kay ma batyagan nya gid kon tuod.

Kabudlay, peru ang baylo nga kanami nga pamatyag kon ma daug mo imo akig daw indi mabayaran..

Recipe sang Linagpang nga Turagsoy

Ini nga kanta permi ko gid anay mabati-an sa radyo. Subong talagsa nalang. Seguro kon indi mo ini personal nga rekord (ky nanami-an ka gid) indi mo na halos mabati-an ini.

Ginatudlo ko ini nga kanta sa bata ko subong. Samtang naga kanta kami na realisar ko, seguro amo ini ang recipe sang linagpang?

Ari ang kanta:

 Ginsag-a ko ang sapa-sapa

 Didto sa may talamnanan 

Ang turagsoy nga akon nadakpan

 Ginhimo ko nga linagpang.

 Nag-abot ang mga bisita Kabarkada ko sa inuman 

Linagpang ko nga turagsoy 

Amon ginsumsuman.

 Linagpang ko nga turagsoy

 Sa sabaw nagalangoy-langoy

 Ginlaktan pa gid sang ginamos

 Pinamalhas gid kami sang higop.

 Ang siling sang nakatilaw 

Sampat gid ang timplada mo 

Linagpang ko nga turagsoy

 Kanamit gid p’ro.

 Pagkatapos namon sang kaon Linagpang ko 

nagbati May nagatihal, 

nagasiyok-siyok

 Kay ang bibig tama gid kahapdi

 May nagatulo ang luha 

Nga wala naman sang kasubo 

Tungod sang turagsoy nga akon linagpang 

Tama gid ka ka kahang.

 Linagpang ko nga turagsoy 

Sa sabaw nagalangoy-langoy 

Ginlaktan pa gid sang ginamos

 Pinamalhas gid kami sang higop. 

Ang siling sang nakatilaw 

Sampat gid ang timplada mo 

Linagpang ko nga turagsoy 

Kanamit gid p’ro.

---Hay, daw nami ipuli sa uma kag mamunit..May sapa pa ayhan subong nga makadakop ka sang turagsoy?

indi ka sagad pangakig

Hay, kanugon lang sang pagtinguha mo nga mag-ayo lawas mo, dason sige ka man ka pinangakig sa gagmay nga mga butang.. Kanugon sang oras kag kusog mo nga gamiton mo para sa sina. Guba na ang adlaw mo, guba man adlaw sang iban sa imo.

Mga Witi-witi nga naga kalatabo sa kabuhi ko.

.

Isa ako ka Nanay. Ang akon bata isa ka bilog, babayi, pito ka tuig ang edad.

ang ipang-post ko diri parte sa gagmay nga mga butang nga naga katabo sa akon adlaw-adlaw, peru kon kis-a may daku nga epekto sa bilog ko nga pagka buhi.

Isa man ako ka pasyente sa Dialysis, mga lapit na Pito ka tuig subong. Man, nag-umpisa ako sa sini sang gamay pa ang bata ko.. Ti, pito na sya subong, amo na nga lapit naman pito ka tuig ang balik-balik ko sa Dialysis Center. Tatlo ka beses kada semana..

Ang isturya sang kabuhi ko indi gid man extra-ordinary. Peru gusto ko lang i-share sa kon kay sin-o man dira nga makabasa sini nga blog. Basi maka-inspire man..